එක්සත් ජනපද ප්‍රහාරක ජෙට් යානයක් ජනාධිපති ජෝ බිඩෙන්ගේ නියෝගය මත ඉරිදා හූරොන් විල හරහා පියාසර කරමින් සිටි “හඳුනා නොගත් වස්තුවක්” බිම හෙළීය. එය දින අටක් තුළ සිදු වූ එවැනි සිවුවැනි බිම හෙළීම වනවා.
පසුගිය සතියේ ද ප්‍රහාරක ජෙට් යානා කැනඩාව සහ ඇලස්කාව හරහා පියාසර කරමින් සිටි වස්තූන් බිම හෙළා ඇත. පෙන්ටගනයේ නිලධාරීන් කියා සිටියේ ඒවායින් කිසිදු ආරක්ෂක තර්ජන එල්ල නොකළ නමුත් සිවිල් වැසියන්ගේ ආරක්ෂාව ගැන සිතා ඒවා බිමහෙලූ බවයි.
එක්සත් ජනපද නිලධාරීන් පවසන අන්දමට ඔවුන්ට මෙම හඳුනා නොගත් පියාසර වස්තූන්ගේ ප්‍රභවය එනම් ඒවා කොහේ සිට කවුරුන් එවන්නේද යන්න ගැන ගැන කිසිදු තොරතුරක් නැත. ඔවුන් පවසන්නේ ඔවුන් විවෘත මනසකින් සිටින බවයි. නිලධාරීන්ට අනුව, මෙම වස්තූන් UFOs පවා විය හැකිය.
තහවුරු නොකළ රේඩාර් සංඥා නිරන්තරයෙන් නිරීක්ෂණය කරන බව එක්සත් ජනපද බලධාරීන් පැහැදිලි කර ඇත. කෙසේ වෙතත් නිරීක්ෂකයින් මෙම අසාමාන්‍ය වෙඩි තැබීමේ ප්‍රතිචාරය ගැන ප්‍රශ්න මතු කරයි. ඇමරිකානුවන් තර්ජනයක් නොවන නාඳුනන පියාසර යාත්‍රාවකට වෙඩි තබන්නේ ඇයි?
මෙම යාත්‍රාවල පිටසක්වල සම්භවයක් ඇති බව නිලධාරීන් විසින් ප්‍රතික්ෂේප කර තිබේදැයි ඇසූ විට, NORAD හි ප්‍රධානියා සහ එක්සත් ජනපද උතුරු අණදෙන නිලධාරි ජෙනරාල් Glen VanHerck,පැවසුවේ, “මම තවම කිසිවක් ප්‍රතික්ෂේප කරන්නේ නැහැ”
ආරක්ෂක දෙපාර්තමේන්තුවේ ජ්‍යෙෂ්ඨ පරිපාලන නිලධාරියෙකුට අනුව, මෙම වස්තුව අෂ්ටාස්‍ර හැඩයෙන් යුක්ත වූ අතර අඩි 20,000ක් පමණ උසින් පියාසර කරනු දක්නට ලැබිණි. ඇලස්කාවේ ඈත උතුරු වෙරළ තීරයේ නිරීක්ෂණය කරන ලද තවත් පියාසර වස්තුවක් වඩාත් සිලින්ඩරාකාර වූ අතර එය එයා-ෂිප් නම් යානා වර්ගයක් ලෙස විස්තර කර ඇත
දින අටකට පෙර, F-22 ජෙට් යානා අඩි 60,000 ක් පමණ උන්නතාංශයක එක්සත් ජනපදය පුරා දින ගණනාවක් පුරා පියාසර කළ විශාල සුදු බැලූනයක් බිම හෙළීය.
මෙම ඔත්තු බැලූන යැවීම සම්බන්ධයෙන් එක්සත් ජනපදය චීනයට දොස් පැවරීය
Comments
Post a Comment